Во моментов извесни се три начини за влез во земјата:
- Сертификат за вакцинација против Covid 19 (14 дена по примена втора доза од вакцината) или
- Сертификат за прележана инфекција од Covid-19 вирусот
(во период од 2 до 6 месеци пред патувањето, преведен на англиски јазик) или
- Негативен PCR тест (не постар од 72 часа пред патувањето) или брз антиген тест (не постар од 48 часа пред патувањето)

Луѓето кои се вакцинирани ќе имаат дозвола да влезат во земјата без негативен тест и нема да бидат обврзани на карантин.
Сепак, како и во 2020 година, луѓето што влегуваат во земјата преку аеродромот или преку копнените граници ќе продолжат да се тестираат преку брзи тестови по случаен избор.
Бидејќи резултатот од брзото тестирање ќе биде достапен за само неколку минути, во случај на потврден случај, лицето ќе биде спроведено во објекти наменети за изолација од „Ковид-19“ и сите трошоци ќе бидат покриени од страна на Р.Грција.
Наскоро ќе бидат достапни и повеќе ажурирани протоколи за работа на хотелите и сместувачките капацитети.
 
Важни појаснувања:
- Сите горенаведени најави може да бидат корегирани, променети и зависат од моменталната епидемиолошката состојба во Грција.

* НАПОМЕНА:
- Информациите се од информативен карактер, објавени и достапни преку јавните медиуми.

Согласно новата одлука на владата на Р.Грција, за сите патници кои ќе патуваат во Р. Грција се воведува задолжително пополнување на формулар – PLF (Passenger Location Form), и тоа најмалку 48 часа пред влез во земјата.

Целта на овој формулар е да се добијат основни контакт информации со цел лесно и брзо контактирање и лоцирање на патниците во Грција, во случај на потреба. По пополнување на формуларот ќе добиете повратна e-mail порака дека истиот е прифатен, а потоа ќе Ви биде доставен QR код, кој испринтан или во електронска форма (на мобилен телефон) ќе имате за обврска да го покажете при влез во Грција.

За да го пополните формуларот кликнете тука

Во продолжение Ви даваме насоки за начинот на пополнувaње на образецот:
- Чекор бр. 1 / Начин на пристигнување – авион, брод или копнен превоз (автобус, автомобил) 
- Чекор бр. 2 / Датум на влез во Грција, граничен премин на влез и регистарски таблички на автомобил
- Чекор бр. 3 / Податоци за патник: име, презиме, возраст, број на пасош, контакт телефон
- Чекор бр. 4 / Податоци за место на живеење, град (избор од менија), адреса и поштенски код 
- Чекор бр. 5 / Податоци за сместување: Регион во Грција ( бирате од мени, видете подолу детали за региони), град, поштенски код, адреса на објектот за сместување . Поштенските кодови на сите места / градови , кои се предмет на понуда за приватно сместување како и адресата на сите објекти за приватно сместување во Грција можете да ги добиете од нашата агенција.

Региони 
-> Халкидики / Олимписки регон – Kentriki Makedonia
-> Лефкада – Ionia India
-> Врахос, Парга – Ipeiros
-> Евиа – Sterea Ellada

- Чекор бр. 6 / Податоци за малолетни лица ( лица под 18 години ) кои патуваат со вас ( доколку има ) 
- Чекор бр. 7 /  Трето лице за контакт, преку кое лесно можете да бидете искомуницирани во случај на итна потреба

Врз основа на податоците внесени во формуларот, здравствениот тим ќе одлучи за евентуална потреба од тестирање при влез. Патниците кои ќе бидат тестирани при влез, имаат за обврска да останат во самоизолација во Грција, во предвидениот објект за сместување, до добивање на резултати од направениот скрининг.

Патниците мора да се придржуваат кон сите превентивни мерки за заштита, носење заштитни маски и социјално дистанцирање.