Поради влошената епидемиолошка ситуација, Македонија продолжува да биде во т.н. Црвена зона, но со најновата одлука се укинуваат ограничувањата за влез за неесенцијални потреби.

Со најновата одлука на бугарските власти, а која ќе стапи на сила од 20 јануари (четврток), на сите државјани на Македонија, им е дозволен влез во Бугарија при приложување на:
- Валиден сертификат за вакцинација против КОВИД 19 (14 дена по примена втора доза од вакцината и не постар од 270 дена) или
- Сертификат за прележана болест (14 дена по прележана инфекција и не постар од 180 дена, преведен на англиски јазик) или
- Негативен ПЦР тест (не постар од 72 часа пред патувањето).
За влез на малолетни лица од 12 до 18 години, исто така е задолжителен негативен ПЦР тест.