САРАЕВО / 3НП ; Велигден

1 ден    СКОПЈЕ – САРАЕВО
Состанок на групата на паркингот спроти хотелот HolHoliday Inn во 18:30 часот. Поаѓање за Босна и Херцеговина во 19:00 ч. Патот води преку граничниот премин Табановце и Република Србија. Ноќно возење со попатни одмори.. 

2 ден           САРАЕВО
Пристигнување во претпладневните часови. Панорамско разгледување на градот: Алипашино поле, Грбавица, Скендерија, Мостовите на Миљацка, Народниот театар, Градската куќа, Царската џамија, Башчаршија, Казанџилук – казанџиската улица на сувенири, Себиљ - центарот на стариот град, Мориќа Хан, Газихусревбеговиот безистен и Газихусревбеговата џамија, Синагогата, Катедралата, Црквата Св.Арангел Михаил и др. Сместување во хотел. Слободно попладне за прошетки и индивидуални активности. Вечерат- факултативна вечера со мени од босанската кујна во амбиент збогатен со музичка програма од традиционалните “севдалинки”. Ноќевање.

3 ден      САРАЕВО - МОСТАР
Појадок. Можност за факултативна посета на Мостар еден од најубавите градови во Босна и Xерцеговина, кој името го добил по чуварите на мостовите на реката Неретва (мостари) на чиј брег е послан градот. Разглед на Mостар: Стариот мост ( кој заедно со стариот дел на градот во 2005 е ставен на листата на УНЕСКО), кулата Келебија, Саат кула, Крива Чуприја (еден од најстарите споменици кои датираат од османлискиот период), старата Мостарска чаршија која се наоѓа на левиот брег на реката Неретва... Слободно време за индивидуални активности. Ручек во “Благај“ (излетничко место со прекрасен рибен ресторан). Враќање во Сараево. Ноќевање.

4 ден          САРАЕВО – ВРЕЛО БОСНА
Појадок. Можност за факултативна посета на Врело Босна, природен споменик кој зафаќа површина од 603 хектари, се наоѓа во подножјето на планината Игман, во селото Илиџа. Изворот на реката Босна, прекрасните езера, мали  островчиња со бујно зеленило поврзани со мостови преку бројните мали потоци. Пауза за кафе или ручек во некој од локалните ресторани.  Враќање во Сараево. Слободно време за индивидуални активности. Ноќевање.

5 ден  САРАЕВО – ВИШЕГРАД – ДРВЕНГРАД - СКОПЈЕ
Појадок. Заминување за Скопје со попатна посета на двата града изградени од познатиот филмски режисер Емир Кустурица: Андриќевиот град во Вишеград, сместен меѓу  реките Дрина и Р`зава во Република Српска-Босна и Херцеговина, инспириран од делата и ликовите на нобеловецот Иво Андриќ. Тој е всушност визија како Вишеград можел да изгледа да не го заобиколиле ренесансата и другите историски периоди и Дрвенград -етно селото на Меќавник изградено за потребите на снимањето на филмот „Животот е чудо“. Патувањето продолжува кон Србија со попатни одмори. Пристигнување во Скопје, во раните утрински часови.